Seguridad sa libing ni Ka Erdy, pinatitiyak
|
| |
INAASAHAN na dagdagsain ng mga tao ang libing ni Kapatid na Eraño G. Manalo, ang tagapamahalang
pangkalahatan ng Iglesia ni Cristo ngayon araw.
Dahil dito nanawagan si Ilocos Norte Rep. Ferdinand ‘bongbong Marcos Jr. sa otoridad na tiyakin ang
kaligtasan ng mga makikiramay at makikidalamhati sa libing ni Ka Erdy.
Sa pagtataya ni Marcos na libu-libong mga miyembro ng INC ang nakatakdang makipaglibing ngayon araw,
pero hinala ng Kongresista magandang pagkakataon din umano ito para samantalahin ng mga
masasamang elemento.
“Maraming kotse ng mga nakikiramay ang nakaparada sa palibot ng Templo Sentral ng INC, kaya dapat lang
na bantayan ito ng PNP dahil ito tiyak ang target ng masasamang elemento,” ani Marcos.
“Bukod sa mga pulis, dapat magbantay ding mabuti ang mga security personnel ng INC sa ilang grupo na
maaaring manggulo sa kanilang hanay,” dagdag pa ng kongresista.
|
| |
Mag amang cong. Jose at Joey de Venecia at Jun Lozada pinasasama sa kaso vs.
First Gentleman Mike Arroyo.
|
| |
PINASASABIT sa kaso ng isang Kongresista ang napatalsik na Speaker ng Kongreso na si Pangasinan
Rep. Jose de Venecia Jr. at ang anak nitong si Joey, maging ang star witness na si Rodolfo ‘Jun’ Lozada,
kung sakaling ipilit ng mga nagrereklamo na i-asunto si First Gentleman Jose Miguel “Mike” Arroyo sa $329-
million National Broadband Network (NBN) deal.
Giniit ni Palawan Rep. Antonio Alvarez, spokesman ng Lakas-Kampi-CMD ang umano’y tangkang pag-
impluwesya ng mag-amang de Venecia at ni Lozada sa makontrebersyal na proyekto.
“The three tried to pull some strings, cut corners, called up some people, offered enticements, and wrote
incriminating letters,” ani Alvarez.
Dahil dito nararapat lamang umano na igawad kina de Venecia at Lozada ang posibleng ikaso din kay Arroyo.
Dagdag pa ni Alvrez na hayaan na lamang ang Korte kung sino ang nararapat na maging witness at ang
posibleng makasuhan.
“So if you charge the First Gentleman, you charge everyone. And by the same standard, if you absolve one, you
absolve all,” saad pa ni Alvarez.
Matatandaan na naghain ng motion for reconsideration sina Akbayan party-list Rep. Ana Theresia Baraquel
at Lozada sa Office of the Ombudsman upang baligtarin ang naunang desisyon ng ahensya sa pag-
aabsuwelto kay President Arroyo.
Sa 144 na pahinang desisyon ng Ombudsman nililinis nito ang Punong ehekutibo at ang unang ginoo sa
$329-million broadband deal, pero inirekumenda na kasuhan sina ormer election chief Benjamin Abalos at
ex-Socioeconomic Planning Secretary Romulo Neri.
|
| |
Gumahasa at pumatay sa magkapatid ng Chiong, makakalaya pagdating sa Spain -
REp. Ilagan
|
| |
MAKAKALAYA si Juan ‘Paco’ Larrañaga kapag inilipat na ng kulungan sa bansang Spain.
Ito ang pangamba ni Gabriela party-list Rep. Luzviminda Ilagan na sa bandang huli kabiguan sa pagkamit ng
katarungan ng pamilya Chiong dahil sa hakbangin ng pamahalaan na ilipat ng kulungan ang gumahasa at
pumatay sa magkapatid na Jacqueline at Marijoy.
Maimpluwesya ang pamilya ng convicted na rapist kaya naniniwala si Ilagan na “hindi malayong baka
pagdating doon, lumaya lang siya. Ang talo at kawawa dito ang Chiong family. Ang gobyernong ito ang masisi
sa bandang huli.”
Hinala pa ni Ilagan na matinding-lobby umano ang ginawa ng pamilya Larrañaga, maging ng mga
makapangyarihang politiko sa Cebu kay Pangulong Arroyo, kung kaya ganun na lamang ang pagpopursige
ng Justice Department na ilipat na lamang sa Spain ang rapist na si Paco at dun tapusin ang natitira pang
14 na taon, anim na buwan at 28 na araw na jail sentence na dapat bunuin sa lupain ng dalawang pinay na
pinatay ni Larranaga.
“Remember malaki ang nagawang tulong ng taga-Cebu kay GMA para manatili sa puwesto, second home
niya iyon kaya bibigyan niya iyon ng special considerations, pagtanaw ng utang na loob,” dagdag pa ni Ilagan.
Magugunita na hinatulan ng pagkabilanggo si Larrañaga dahil kasong kidnapping, illegal detention, rape at
homicide sa magkapatid na Jacqueline at Marijoy Chiong noong 1997.
Pero para kay Maguindanao deputy Speaker Simeon Datumanong, dating Justice Secretary bahagi ng
“international obligation” ng Pilipinas ang pagpapadala kay Larrañaga sa Spain para dun taupusin ang
kanyang sentensiya.
Paliwanag ni Datumanong na sakop ng RP-Spain Transfer of Sentenced Persons Agreement na
niratipikahan ng Senado ang naging hakbangin ng Justice Department.
“That is provided for in a treaty so it is an international obligation,” ani Datumanong.
Pinagpapaliwanag naman ni Marikina City Rep. Marcelino Teodoro si Justice Secretary Agnes De vanadera
sa makontrebersyal na pagpayag nito na ilipat ng kulungan si Larrañaga.
“The transfer of Larrañaga to a prison facility in Spain warrants clarification on the part of the DoJ. It should
not pass as a mere process or clerical in nature for the DoJ, because of the gravity of the crime. It would be
undue for the victim’s loved ones knowing that Larrañaga is out of the country,” giit ni Teodoro.
|
| |
WG&A pinasususpendi, dahil sa paglubog ng superferry 9, apat patay, 88 pa ang
nawawala
|
| |
PINASUSUSPENDI ni Anakpawis Party-list Rep. Joel Maglunsod ang lahat ng commercial vessels ng WG&A
Lines!
Matapos na lumubog kahapon ang superferry 9 sa Zamboanga del Norte, na may apat ng pasahero ang
namatay at 88 nawawala.
“Mas mainam kung isu-suspend muna ng mga kinakuukulan ang operation ng WG&A hangga’t hindi tapos
ang imbestigasyon kung ano talaga ang dahilan ng paglubog nito,” ani Maglunsod.
Pinakakasuhan din ng Kongresista ang Philippine Coast Guard (PCG) sa pagbibigay nito ng “go signal” sa
barko, kung mapapatunayang may katotohanan ang paratang ng mga pasahero na overload ang Superferry 9.
“Hindi lang ang kapitan ng barko ang mananagot dito, kundi pati ang mga PCG dahil sila ang nagbibigay ng
clearance sa kanilang paglalayag sa dagat,” dagdag pa ni Maglunsod.
Batay sa ulat, lumayag mula Gen. Santos City ang barko at patungo sana ng Iloilo nang tumagilid ito sa
karagatan ng Zamboanga del Norte kahapon ng madaling araw, hanggang tuluyan ng lumubog.
Maliban sa pagsuspendi, hiniling din ni Maglunsod na inspeksiyunin ng mga kinauukulan ang lahat barkong
pang-komersiyo ng WG&A kung may kakayanan pa bang maglayag ito o hindi.
“Karamihan kasi sa mga barko ngayon mga luma na, second hand nang nabili, mino-modernize na lang nila.
Dapat siguro huwag na paglayagin ang mga barkong luma, para sa safety ng mga mananakay,” pagbibigay
diin ni Maglunsod.
Habang sinusulat ang balitang ito, patuloy para ang mga otoridad sa paghahanap sa ibang pang
pasaherong nawawala.
|
| |
House strengthens fight against global warming
|
| |
The House of Representatives has strengthened the country’s fight against global warming by approving on
third and final reading the proposed Climate Change Commission.
The independent and autonomous Climate Change Commission created under House Bill 5982 shall act as
the sole policy-making body of climate change-related activities of the government.
The measure empowers the Commission to recommend legislation, policies and budgets on climate
change adaptation and mitigation activities.
Rep. Roilo S. Golez (2nd District, Parañaque City), one of the authors of the bill, said the measure aims to
address the ever growing and urgent concerns on the impact of climate change, not only on the country but on
other nations as well.
The House-approved measure recognizes the dangerous consequences of climate change, which include
the increasing frequency of droughts, floods and storms and climate-related illnesses.
Rep. Carmelo Lazatin (1st District, Pampanga), another author of the bill, said climate change presents very
serious global risks and demands an urgent global response.
The bill provides the need for the State to cooperate with the global community to resolve climate change
issues.
“There is a need for the government and all sectors including the business sector and non-government
organizations to prepare for and reduce the adverse effects of climate change,” Lazatin said.
The bill likewise adopts a framework for climate change that will serve as basis for planning and research as
well as monitoring of activities to protect communities vulnerable to the effects of climate change.
The measure is a consolidation of five House bills and 6 resolutions.
The co-authors of the bill are Reps. Jose Carlos V. Lacson (3rd Dist., Negros Occidental), Thelma Z. Almario
(2nd Dist, Davao Oriental), Orlando B. Fua, (Lone Dist., Siquijor) Cynthia A. ViIlar (Lone Dist., Las Piñas),
Ignacio T. Arroyo (5th Dist., Negros Occidental), Rex Gatchalian (1st Dist., Valenzuela City), Narciso Santiago III
(PL-Alliance for Rural Concerns), Proceso J. Alcala (2nd Dist., Quezon), Arthur Defensor Sr. (3rd Dist., Iloilo),
Diosdado M. Arroyo (1st Dist, Camarines Sur), Belma A. Cabilao (1st Dist., Zamboanga Sibugay), and Erico
Basilio A. Fabian (2nd Dist., Zamboanga City), among others.
|
| |
| |
|
