Pinoy Global Online News

Filipino Image Magazine Unsurpassed Credentials:

Member since 1993 of the world renown National Press Club of Washington, D.C.
Member of the Philippine News Agency, the largest news organization in the Philippines
Originator & Creator of the popular (TOFA) Twenty Outstanding Filipino-Americans
Originator & Creator of the populat (TOFA) Twenty Outstanding Filipinos Abroad

SEARCH THE SITE

Pakikipagtalik sa iba't ibang kapareha, sanhi ng pagkamatay ng mga kababaihan

DAHIL sa pagiging hindi tapat sa asawa o sa kapareha umano ang isang dahilan, kung bakit ang HIV/AIDS
ang isa sa pinakadahilan ng pagkamatay ng mga kababaihan na nasa reproductive age sa buong mundo.

Batay sa ulat ng UN program on HIV/AIDS(UNAIDS) sa pasimula ng AIDS conference sa New York, sinabi ni
UNAIDS Executive Director Michel Sidibe na sa pangkalahatan, 70 porsyento umano ng mga kababaihan ang
napipilitan sa unprotected sex.

"By robbing them of their dignity, we are losing the opportunity to tap half the potential of mankind to achieve
the Millennium Development Goals," ani Sidibe.

Sa paniniwala naman ni Zambales Rep. Mitos Magsaysay, epekto umano ito ng pakikipatalik ng kalalakihan
sa magkakaibang kapareha. Dagdag pa niya, “men and women should practice restraint when it comes to
sex. Morality and monogamous relationships should be strengthened.”

Dahil sa nakababahalang ulat ng UN, muling minungkahi naman ni Nueva Ecija Rep. Edno Joson ang
pagsusulong ng Reproductive Health Bill upang maiwasan ang pagkalat at paghawa ng nasabing sakit.

“kaya kailangan yung RH bill as a public health measure against diseases especially aids,” ani Joson.

Nabatid pa sa ulat na nagiging balakid sa pagsugpo ng AIDS sa kababaihan ang nararanasang karahasan
na nagreresulta ng hindi ligtas na pakikipagtalik.

Sa kasalukyan, wala parin natutuklasan pamamaraan ang mga dalubhasa kung anong serbisyo ang
nararapat na tutugon sa pangangailangan ng mga kababaihan pagdating sa sakit na HIV/AIDS.

Batay pa sa tala ng UN, ang sub-Saharan Africa ay nakapagtala ng 60 porsiyento ng populasyon na may
AIDS ay pawang mga babae.

Dahil sa nakakaalarmang paglaki ng kaso ng HIV/AIDS sa kababaihan, mas higit pang pag-iigtingin ng UN
ang pangangalap ng datus at analisa kung paano nakakaapekto ang AIDS sa mga babae, at kung anong
paraan upang mapigilan ang paglaganap ng karahasan laban sa female population sa mundo.