Linis kapalit ng kulong
|
| |
IMBES na kulong, paglilinisin na lamang sa kuminidad ang isang nahatulan ng aresto menor at mayor, ito ay
upang mabawasan ang siksikan sa mga kulungan sa buong bansa.
Batay sa akda ni Rep. Juan Edgardo Angara (Lone District, Aurora),
na House Bill 6944 na napasa sa ikatlo at huling pagbasa ang siyang magbibigay pahintulot sa korte na
patawan na lamang ng
community service ang mga mahahatulan ng kulong na mula isang araw
hanggang anim na buwan kapalit ng mismong pagkukulong.
“Sa pamamagitan ng community service, makikinabang na ang komunidad
habang nakakatipid naman ang pamahalaan sa kaakibat na gastusin kung
ikukulong pa ang mga napatawan ng parusang nabanggit,” ani Angara.
“Ngunit, dapat din siguraduhin ng korte ang kapakanan at kaligtasan ng
isang komunidad sa pamamagitan ng pagsisiguro na ang mapaparusahan ay
hindi na lalabag pa sa batas habang nagsisilbi ito ng kanyang parusang
community service,” dagdag pa niya.
Nilinaw naman ni Angara na hindi rin maabuso ang HB 6944 kung sakaling maisabatas, dahil isang isang
beses lamang maaaring magamit ang community service kapalit ng pagkakakulong, sa bawat taong
mapaparusahan nito.
|
| |
Kris gusto ipa-botox si Noynoy
|
| |
PINAYUHAN ni Kris Aquino ang kapatid na si Liberal Party(LP) Standard Bearer Sen. Noynoy Aquino na
magpa-botox upang mabago ang kanyang hitsura.
“Kasi kung napansin ninyo malaking bagay ang pananamit at hitsura mo(Noynoy) sa pagharap mo sa tao.
Actually in-advise ko siya gusto mo mag-botox?” kuwento ni Kris sa mga mamayahag.
Pagpapatuloy pa niya, “Sabi niya ano ka ba ine-experiment mo mukha ko. Tapos yung sa ano kasi ang
nabibigay ko sa kanya siguro talaga lighthearted moments.”
Inamin din ni Kris na mahigpit niyang binabantayan ang komersyal ng kapatid, kuwento pa niya “tapos yung
stylist ko lahat ng commercial niya binantayan. Yung nagme-makeup sa akin inaayusan siya yung gumugupit
ng buhok ko. Sinabi nga niya ginagawa namin siyang John Lloyd Cruz.”
Kung si Sen. Aquino kailangan magpabotox, aminado naman si Kris na makapal ang mukha niya ng
kausapin niya si Business tycoon Danding Cojuangco para subukang kunin ang suporta nito para kay Sen.
Aquino.
“Di ba makapal ang mukha ko? I have seen him(Danding Cojuangco) in
person because we do have a good relationship,” ani Kris.
Tila naman nagpahapyaw si Kris na malabong suportahan ni Cojuangco ang pamangkin niyang si Lakas
Kampi Standard bearer Gilbert Teodoro dahil, na sila ang sasamahan ni Liza Cojuangco kay Danding imbes
na si Gibo.
“Kung isa sa member ng pamilya nila 1st cousin nila si Gibo ako si Noy 2nd cousin lang pero kami ang pinili
niya samahan, maraming salamat. Sana pag ang magulang niya makumbinsi niya,” sabi pa ni Kris.
|
| |
Kris magpapatalo sa kapatid sa eleksyon
|
| |
IMBES na makatulong makasama pa sa kampanya ni Sen. Benigno Simeon “Noynoy” Aquino III ang kapatid
niyang artista na si Kris Aquino Yap.
Sa pananaw ni Joson sa panibagong kontrebersya na kinasangkutan ni Kris, malaking daguk umano sa
pananatili ni Sen. Aquino sa pangunguna sa mga survey ang mga kinasasangkutan isyu ng kapatid.
“Yes ngayon pa lang mukhang mas nakakasama kaysa makabuti,” tugon ni Joson sa pamamagitan ng
telepono.
Tahasan naman sinagot ni Joson ang tanong kung anong puwedeng ipayo kay Aquino na puwede niyang
sabihing sa kanyang kapatid? “Tell her to shut up and just campaign properly.”
Dagdag pa niya, “Kaya nga tinawag na star cannot be reach at mataas masyado, so pagnatalo luluhod din
mga bituin.”
Pinayuhan naman ni Joson si Kris na “pride is the greatest sin and humility the greatest of virtues- dapat
matutuhan ni kris.”
Matatandaan na nagwalk out sa progmang “The Buzz” ng ABS CBN si Ruffa Gutierrez makaraang i-bully ni
Kris Aquino, na agad naman rumesbak sa kabilang estasyon ng telebisyon ang Ina ni Ruffa na si Annabele
Rama.
“hindi pa nga nanalo kapatid niya eh, yabang-yabang na niya. What more kung manalo si Noynoy, eh, di lalo
lahat ng showbiz apiapihin niya? Hindi naman tama yan,” apila ni Rama ng mainterviw sa Showbiz Central ng
GMA 7.
Ganun paman agad din humingi ng paumanhin si Kris kay Ruffa na agad naman tinaggap ng anak ni Rama.
|
| |
|
