Pinoy Global Online News

Filipino Image Magazine Unsurpassed Credentials:

Member since 1993 of the world renown National Press Club of Washington, D.C.
Member of the Philippine News Agency, the largest news organization in the Philippines
Originator & Creator of the popular (TOFA) Twenty Outstanding Filipino-Americans
Originator & Creator of the populat (TOFA) Twenty Outstanding Filipinos Abroad

SEARCH THE SITE

Noynoy easy lang - Zubiri

Umapila ang National Baord of Canvassers kay Liberal Party (LP) standard bearer Sen. Noynoy Aquino na
huwag magmadali sa kanyang proklamasyon bilang susunod na pangulo ng bansa matapos manguna sa
bilangan para sa presidential elections.

Ito ang mensahe ni Senate Majority Leader Juan Miguel Zubiri matapos na hilingin ni Atty. Jose Cadiz
abogado ni Aquino na iproklama na ang senador bilang bagong pangulo dahil sapat na ang nakuhang boto
nito nang sa ganon ay ang vice presidential race na lamang ang atupagin ng canvassing body.

Ayon kay Zubiri ayaw nila ng partial proclamation sa halip ay isahang pagproklama na lang dahil kailangan
dito ang quorum ng buong miyembro ng mataas at mababang kapulungan ng Kongreso para pagtibayin ang
committee report ng joint Congressional canvassing committee.

Mahirap aniyang ma-doble pa ang mahabang proseso ng proklamasyon dahil paalala nito bibigyan ng
tig-tatlong minoto na magsalita ang lahat ng dadalong mambabatas upang ipaliwanag ang kanilang boto.

Kampante ang NBoC na matatapos nila sa Lunes ang canvassing ng limang natitirang CoCs na
kinabibilangan ng Davao, Bacolod, Mt. Province, Eastern Samar at Lanao del Sur upang agad na bumuo ng
committee report.

Sa araw ng Martes magpapatawag na ng joint session ng Kongreso at dito pagdebatehan ang committee
recommendation kabilang ang mga issues na iginiit ng magkabilang kampo tulad na lamang ng usapin sa
null votes na sinasabing makakaapekto sa vice presidential race bago pagbotohan ang proklamasyon ng
susunod na pinuno ng bansa.