Pinoy Global Online News

Filipino Image Magazine Unsurpassed Credentials:

Member since 1993 of the world renown National Press Club of Washington, D.C.
Member of the Philippine News Agency, the largest news organization in the Philippines
Originator & Creator of the popular (TOFA) Twenty Outstanding Filipino-Americans
Originator & Creator of the populat (TOFA) Twenty Outstanding Filipinos Abroad

SEARCH THE SITE

Maralitang Pilipino may request kay PNoy

Isang pagkilos ng maralitang-lungsod, sa pangunguna ng grupong Kalipunan ng Damayang Mahihirap
(Kadamay), ang gaganapin bukas upang ihatid ang anila'y mga "agarang kahilingan" ng sektor kay
Pangulong Noynoy Aquino sa Malakanyang.

Makabuluhan ang Hulyo 10 dahil ito rin ang ika-10 taong anibersaryo ng makasaysayang Payatas Tragedy,
ang pagguho ng bundok ng basura sa Payatas Dumpsite na kumitil sa buhay ng higit 200 katao at iniwang
walang tirahan ang daan-daan pa.

Layunin ng mga naturang kahilingan, ayon sa grupo, ay makapaghatid ng anila'y immediate relief o agarang
kaginhawaan sa mga maralitang-lungsod, na inaasahan nilang masimulang ipatupad sa unang 100 araw
ng administrasyong Aquino.

Nagpaabot din ng request ang grupo sa Presidential Management Staff upang personal na tanggapin ng
isang opisyal ng Palasyo ang kanilang mga kahilingan, subalit wala pang nagkukumpirma mula sa
tanggapan.

"Dito na natin susubukan ang pahayag ni P-Noy sa kanyang inagurasyon na ang taumbayan daw ang
kanyang 'boss'," ani Badion.

Isasagawa din ng grupo ang maikling paggunita sa Payatas Tragedy sa marker nito sa Lupang Pangako,
Payatas, bukas nang umaga