Pinoy Global Online News

Filipino Image Magazine Unsurpassed Credentials:

Member since 1993 of the world renown National Press Club of Washington, D.C.
Member of the Philippine News Agency, the largest news organization in the Philippines
Originator & Creator of the popular (TOFA) Twenty Outstanding Filipino-Americans
Originator & Creator of the populat (TOFA) Twenty Outstanding Filipinos Abroad

SEARCH THE SITE

Libreng almusal para sa mga elementarya, day care at preschool,
isinusulong sa Kamara

Isinusulong ngayon ng isang mambabatas ang pagtatatag ng programa sa Department of Education na
magbibigay ng libreng almusal para sa mga mag-aaral sa pampublikong paaralan.

Ayon kay Rep. Rachel Marguerite B. del Mar (1st District, Cebu City) ang programang ito ang magiging sagot
upang mabawasan kung di man tuluyang mawawala ang malnutrisyon sa bansa at bilang pagsunod na rin
ng pamahalaan sa World Declaration on Nutrition and Global Plan of Action for Nutrition na sinusunod sa
buong mundo base na rin sa ginanap na International Conference on Nutrition (ICN) sa Rome, Italy
noong December 1992.

Sa ilalim ng House Bill 27, ang DepEd, sa pakikipagtulunagn ng Parents-Teachers Associations, ay
magbibigay ng mga libreng almusal sa mga mag-aaral sa pampublikong eskwelahan at isasama ang
programang ito bilang bahagi ng public education system.

Ang ihahaing almusal sa lahat ng pampublikong paaralan sa buong bansa ay dapat na naglalaman ng
fortified instant noodles o iron-fortified rice o fortified biscuits o iba pang pagkain na tama at naglalaman ng
kinakailangang sustansiya at makakasagot sa gutom at problema sa malnutrisyon.

Ang pondong kakailanganin sa pagpapatupad ng programang ito ay manggagaling sa taunang alokasyon ng
DepEd.

Nanawagan din si Del Mar para sa agarang pagsasabatas ng panukalang ito dahil higit lalo ngayon umano
na kinakailangang suportahan at bigyang pansin ng pamahalaan ang bumababang kalidad ng mga mag-
aaral.

“Papaanong makakapag-aral ng maayos at maiintindihan ng mga bata ang kanilang leksiyon sa kanilang
eskwela kung ang mga batang mag-aaral na ito ay pumapasok sa eskwela ng kumakalan ang sikmura at
walang laman ang tiyan o walang almusal?” dagdag pa ni Del Mar.